Музичарот Џон Леџенд и неговата сопруга, манекенката Криси Тајген, станаа родители по трет пат. Пејачот убавата вест ја споделил за време на концерт.
Утрото во петокот, на 13 јануари, Џон Леџенд и Криси Тајген го дочекаа своето трето дете.
„Каков благословен ден“, рече музичарот од сцената за време на концертот таа вечер.
Леџенд им призна на фановите дека поминал многу време во болница, не спиел доволно, но и покрај тоа „чувствува наплив на енергија“.
Во август минатата година, Криси Тајген ја објави веста за својата бременост неколку години по спонтаниот абортус – искуство кое го сподели со своите следбеници на социјалните мрежи.
Новороденчето е трето детенце на манекенката и нејзиниот сопруг, музичарот Џон Леџенд. Двојката има и други две деца, 6-годишната Луна и 4-годишниот Мајлс. И двете се зачнати со ин витро оплодување.
