Големо внимание во јавноста неодамна предизвика веста дека Рада Манојловиќ повторно е вљубена. Имено, пејачката е во врска со Владимир Ранковиќ, а како што неодамна откри, со него сака да основа семејство.
Сепак, неодамна се појавија информации дека дечкото на пејачката е оженет, на што таа веднаш реагирала.
Рада тогаш се осврна на гласините дека нејзиниот избраник е во брак и изјави:
– Нема да откријам дали е точно или не, но замисли како би реагирала неговата жена ако е со мене? Можеби бил оженет – рече Рада, оставајќи сè во неизвесност.
Инаку, Владимир има еден брак зад себе и две деца.
– Влада зад себе има брак и деца. Кога почна да работи со Рада, веќе подолго време беше разведен, а од тој брак, кој неславно заврши, има две деца. Тој е од Белград и важи за многу чесен и нормален човек. Како татко е одличен – секој слободен момент го користи за да биде со своите деца. Во градот многумина го знаат и приказните за него се дека е сосема исправен, одличен и верен пријател. Личност на која можеш да се потпреш во секој момент – раскажал изворот.
Рада неодамна откри дека нејзиниот дечко нема никаква врска со естрадата, и дека е среќна поради тоа.
– Не е пејач, веќе се опеков со такви, се откажав од естрадата. Не се покајав што признав дека не сум слободна – се покајав што молчев и дозволив да се нагаѓа со кого сум. Како да морам да бидам со некого, ако веќе морам со него сум баш затоа што ништо не ми замерува. Не сум некоја што паѓа на прва, на убавина – ми се допаѓа, но можеме долго да се дружиме, па да видиме што ќе биде – рече Рада, пишува „Блиц“.
