Пејачката Рада Манојловиќ се огласи откако Јелена Карлеуша изјави дека нејзините тврдења не се точни и ја нарече „лажга“.
Манојловиќ неодамна беше дел од жирито во музичкото шоу „Ѕвездите на Пинк“, каде што учествуваше заедно со Вики Миљковиќ, Драган Стојковиќ Босанец, Драгомир Деспиќ – Десингерица и Јелена Карлеуша. По снимањето, таа откри дека со Карлеуша немале разговор, што подоцна предизвика реакција од нејзината колешка.
Карлеуша ги демантираше нејзините зборови, по што Рада беше контактирана од медиумите и реши да ја објасни ситуацијата.
„Да почнеме од почеток, пред сѐ јас никогаш не лажам. Добив конкретно прашање што сум зборувала со Карлеуша на снимањето, јас реков: ‘Ништо’. Како што ништо не сме ни зборувале надвор од снимањето, што и таа самата го потврди. Но, ништо повеќе, ниту помалку не сум зборувала ни со Босанец, ни со Вики, ни со Десингерица, па што, ништо“, изјави пејачката.
Таа појасни дека условите за снимање не оставаат простор за подолги разговори.
„Не е таква ситуацијата, едноставно нема ни време искрено. Не знам што очекуваат луѓето. Па ние на снимања не доаѓаме за да се изнаразговараме, туку за да снимиме емисија. Снимањето трае шест часа без прекин, со една кратка пауза за вечера од околу дваесетина минути. Се седи на една голема маса, тука се и организаторите и водителите, некој јаде, некој зборува, некој слуша… Луѓето разговараат општи теми, сосема опуштено“, додаде таа.
Манојловиќ нагласи дека станува збор за недоразбирање и погрешно пренесени информации.
„Да се вратам на почетокот, не е пренесено како што треба. Голема е разликата меѓу ‘Што сте зборувале – ништо’ и ‘Рада рекла дека не си сакала да зборуваш со неа’, како што ѝ било пренесено на Јелена. Нормално дека ќе реагира така, бидејќи тоа е лага, но не моја. Секако дека веднаш ѝ се јавив, затоа што не поднесувам лаги и ситни сплетки за да се направи непотребна кавга. Кај нас е сѐ во ред. Навистина неважна работа, глупост. Мене не ми треба лажен сензационализам и кавги со колеги, не сум од таа приказна“, истакна Рада.
Претходно, Карлеуша кратко одговори на изјавите на Манојловиќ.
„Не, тоа не е вистина, лаже. Не знам ни за што би зборувала со неа, ако ме прашала нешто би ѝ одговорила. Не знам за што зборува, симпатична ми е“, рече таа.
На забелешката дека можеби Рада се исплашила од неа, Карлеуша додаде: „Да се плаши од мене? Кој се плаши од мене, јас сум толку прекрасна!“.
