Како што се стоплува времето пополека отвораме сезона на возење велосипед. Па вработените на „Outdoor“, патем големи вљубеници во велосипедизмот, денес ви нудат убава можност – воведна работилница за секој кој има потреба да се запознае со основите за одржување на својот велосипед и постапките како да се справи со еден од најгорките проблеми на пат – „дупната гума“.
Работилницата ќе започне во 20 часот во продажниот центар на „Outdoor“ (ул. Никола Тесла 9а, Карпош 2). Истата се состои од теоретски и практичен дел. Секој учесник во работилницата, треба да го донесе својот велосипед.
Целта е за време на практичниот дел, секој учесник да научи што точно треба да направи во својот случај – на својот велосипед.
Пријава и дополнителни информации преку [email protected]
