Познатиот диџеј и пејач Борјан Илковски, за јавноста познат како Боно и младата пејачка Тамара Димчевска Тами ја објавија својата нова песна „Бамба“. Станува збор за еден возбудлив летен хит, заразна поп-денс нумера со модерен урбан звук, динамичен ритам и рефрен што лесно останува во глава.
Интересно е што оваа песна и спотот се снимени додека тие двајца беа во љубовна врска. По разделбата, сосема зрело од нивна страна, музичарите одлучиле работата да не трпи и да го објават сработеното. Така „Бамба“ го виде светлото на денот. Фановите веќе ги оставаат коментарите под видеото на јутјуб.
Музиката, аранжманот и текстот се дело на самиот Боно, битот го потпишува Гокшата, додека за миксот и мастерингот е задолжен Иван Јованов – Iwayo, чија поддршка беше значаен дел од реализацијата на проектот.
И видеозаписот е забавен, динамичен и весел соосветен за оваа мелодија. Снимен на неколку локации и танчери кои го збогатуаат видеото. Сспотот, кој одлично ја следи енергијата на песната, е во режија и продукција на Томислав Живковиќ.
