Со победата на Вимблдон, Јаник Синер испиша нова страница во историјата на тенисот, а за време на големото финале камерите често ја снимаа неговата девојка Лаила Хасановиќ. Атрактивна Данкинка со босанскохерцеговски корени по потекло од Сребреница е негова најголема поддржувачка веќе некое време. Таа е успешна манекенка и претприемачка.
Иако Синер ретко го споделува својот приватен живот со јавноста, во изминатата година Лаила стана негова постојана поддршка на големите турнири. Шпекулациите за нивната врска започнаа минатата година, а кратко потоа почнаа да се појавуваат заедно на тениски натпревари и други јавни настани.
Италијанскиот тенисер неколку пати нагласи колку му значи поддршката од најблиските. По една од минатогодишните победи, тој особено им се заблагодари на својата девојка, на семејството и на целиот тим што го придружува во текот на сезоната.
View this post on Instagram
Лаила беше со него за време на победите на Отвореното првенство на Италија, финалето на АТП и Мастерсот во Монте Карло, а сега повторно беше дел од неговата победничка приказна на Вимблдон.
Моментот кога емотивно ја прослави неговата нова титула на Гренд слем по последниот поен беше особено споделен на социјалните мрежи, што предизвика бројни реакции од фановите.
Лаила Хасановиќ е родена во 2000 година во Копенхаген, а нејзиното семејство потекнува од Сребреница. Таа со години гради успешна кариера во светот на модата и е позната на јавноста како инфлуенсерка која ја следат повеќе од половина милион луѓе на социјалните мрежи.
Студирала новинарство во Соединетите Американски Држави, а на само 21 година стигнала до финалето на изборот за Мис Универзум Данска.
Во една прилика, таа раскажа колку многу луѓе не претпоставуваат дека има корени од Босна и Херцеговина затоа што повеќе личи на скандинавска жена.
View this post on Instagram
Покрај модната кариера, Лаила се обиде и во претприемништвото. Таа го лансираше својот бренд за убавина „NRD55“, специјализиран за нега на кожа и производи за самопотемнување.
Пред врската со Синер, таа беше во врска со Мик Шумахер, син на легендарниот возач на Формула 1, Михаел Шумахер, но нивната врска заврши минатата година.
