Иако сè уште е хоспитализирана на тајна локација, принцезата Шарлин откри дека е ѕвезда на новиот стрип, кој треба да биде промовиран денеска.
44-годишната мајка на седумгодишните близнаци Жак и Габриел, принцезата Шарлин се уште е во болница на непозната локација, каде што заврши веднаш по враќањето од Јужна Африка.
Нејзиното излегување од болницата постојано се одложува, а таа сега за францускиот весник Le Parisien откри дека пред една година се согласила со барањето на Седрик Бискеј да стане ѕвезда на новото продолжение на стрипот.
Како што изјави, идејата веднаш ја воодушевила, па без многу се согласила да биде ѕвезда на шестото продолжение.
„Навистина се радувам на шестото издание на „Блиц“, кое е инспирирано од Гари Каспаров и дизајнирано од Даитаро Нишихара. На прва ме освои идејата да учествувам во новата авантура на „Блиц“ и да му се заблагодарам на авторот и креаторот Седрик Бискеј што ме покани да го откријам светот на мангата“, рече принцезата Шарлин, која моментално се опоравува од „емоционална и физичка исцрпеност“.
Нејзиниот лик ќе се најде на четири страници од стрипот, додека одржува конференција во казиното Монте Карло и се среќава со две деца кои чекаат шаховски турнир. Според зборовите на авторот, принцезата Шарлин немала никакви барања или желба за измени.
View this post on Instagram
