Принцезата на Монако конечно пристигна дома! По повеќе од девет месеци, но и бројни здравствени компликации, 43-годишната принцеза Шарлин пристигнала во Монако со ноќен лет од Дурбан, Јужна Африка. Мајката на близнаците Жак и Габриела, кои ги има со принцот Алберт, пристигнала на југот на Франција во 8.30 часот по локално време и слетала во Ница со приватниот авион на нејзиниот сопруг.
View this post on Instagram
Со ова се стави крај на шпекулациите и гласините за проблемите во кнежевското семејство, поточно за проблемите во нивниот брак. Според очевидци, на аеродромот ја пречекале принцот Алберт и шестгодишните близнаци, принцот Жак и принцезата Габриела, кои ѝ дале голем букет цвеќе, а потоа четиричленото семејство со хеликоптер заминале во Монако.
View this post on Instagram
Шарлин пристигна во Франција со своето милениче, а судејќи по фотографиите од папараците кои веднаш го обиколија светот, таа не изгледа ни најмалку добро. Бледа во лицето, крајно слаба, повторно облечена во црно, со што како што велат многумина дополнително го засилува впечатокот колку навистина не е среќна во бракот со владетелот на Монако.
La princesse Charlène est de retour à Monaco https://t.co/G30ETP2hq9 pic.twitter.com/qOvnuF9Nu9
— Nice-Matin (@Nice_Matin) November 8, 2021
Сепак, за да ги исполни очекувањата на јавноста, таа одвоила момент за да се фотографира со сопругот и децата, гушкајќи го Алберт околу вратот, кој пак, судејќи по фотографиите, позира вкочането со изнудена насмевка.
Сепак, оваа принудна семејна фотосесија воопшто не ја смири јавноста, напротив, сега сите очи ќе бидат вперени во ова кралско семејство и ќе продолжат со големо внимание да ги следат вестите од дворецот.
