Принцот Хари изјави за ITV дека кралското семејство „апсолутно не сака да се смири“ со него и со неговата сопруга Меган Маркл.
Војводата од Сасекс, исто така, се отвори за заладените односи со кралот Чарлс и принцот Вилијам, тврдејќи дека сака да ги „врати“ татко му и брат му. „Не треба да биде вака“, рече тој. Принцот исто така нагласи дека сака „семејство, а не институција“.
Кралскиот експерт Џонатан Сакердоти претходно објасни дека Чарлс Трети ги исклучил принцот Хари и Меган Маркл од божиќниот говор затоа што настојувал „да го префрли фокусот од семејните драми на реалноста на животот на обичните луѓе“. Многумина мислат дека за тоа е виновен документарецот за Хари и Меган. Сепак, се дозна дека божиќниот говор на Чарлс III е снимен на 13 декември, пред емитувањето на последните три епизоди, полни со скандалозни откритија на војводата и војвотката од Сасекс.
Потсетуваме дека огромен број од Британците, дури 44% според неодамнешната анкета се за тоа да им се одземат титулите на Хари и Меган.
