Принцот Хари и неговата сопруга Меган Маркл ја коментираа одлуката на кралот Чарлс III да ги исели од Фрогмор Котиџ, нивната британска резиденција, по објавувањето на мемоарите „Резерва“ на принцот Хари кои се однесуваа на неговото семејство, пренесува The Sunday Times.
Војводата и војвотката од Сасекс изјавија дека не се „преоптоварени“ од одлуката на монархот да ги истера од нивната резиденција во Велика Британија. Доколку треба и самите ќе ги извадат своите работи, нагласија сопружниците.
Двојката има неколку месеци да ја напушти резиденцијата – треба да ја напуштат не порано од 6 мај, кога ќе се одржи крунисувањето на Чарлс III, а можеби и до лето.
Фрогмор Котиџ се наоѓа на теренот на замокот Виндзор и беше примарна резиденција на парот додека не се преселиле во Калифорнија откако се откажале од кралските должности.
Претходно, авторот на книгата за Чарлс Трети, Кристофер Андерсен, изјави дека принцот Ендрју – кому кралот ја понуди оваа резиденција – не сакал да ја преземе и да се пресели во неа, бидејќи е премногу скромна за него.
