Популарниот актер Кенет Мичел (49) ја загуби битката со АЛС (амиотрофична латерална склероза), болест од која страдаше во последните пет години.
„Со тешко срце ја објавуваме смртта на Кенет Александар Мичел, саканиот татко, сопруг, брат, вујко, син и драг пријател“, напиша неговото семејство во соопштението споделено преку Х и Инстаграм во неделата.
View this post on Instagram
„Кен беше надалеку познат како актер во многу филмови и телевизиски серии“, се вели понатаму во соопштението. „Тој портретираше олимписка надеж, преживеан од апокалипса, астронаут, татко на суперхерој и беше дел од четири „Ѕвездени патеки“.
„Кен беше вреден и посветен во сè што правеше, но како татко овие особини го покажаа својот целосен израз. Тој беше исклучително посветен за да биде позитивна и разиграна подвижна енергија во животот на своите деца“, се објаснува во соопштението и се додава дека без разлика на неговата инвалидност во последните години, Кен најголем де од времето го посвтувал на своите деца на кои се гордеел.
ALS е кратенка за амиотрофична латерална склероза и тоа е прогресивна невродегенеративна болест која влијае на нервните клетки во мозокот и ‘рбетниот мозок. Мичел страдаше од болеста од 2018 година.
View this post on Instagram
Тој почна да користи инвалидска количка во 2019 година, а потоа излезе во јавноста за јавно да проговори за својата физичка состојба во 2020 година и за начинот како тој со сопругата се справуваат со болеста но и за тоа колку таа им го променила животот.
