Српската пејачка Маја Беровиќ откри дека не се следи со колешката Јелена Карлеуша на социјалните мрежи, а кога ја прашале дали некој ја „блокирал“, Маја признала дека хрватската пејачка Северина Вучковиќ ја блокирала.
– Беше тој момент кога Јелена Карлеуша и јас се блокиравме меѓусебно, таа мене, јас неа, но потоа се одблокиравме. Мислам… Тоа блокирање е целосна глупост – рекла Маја, а потоа додала:
– Северина ме блокираше, не знам зошто. Би сакала да знам. Една пријателка ми испрати фотографија од неа како носи одлични чизми, јас „кликнав“ за да погледнам и не можев да влезам. Видов дека сум блокирана. Можеби е случајно, навистина не знам зошто. Ја почитувам многу и нејзината кариера е навистина брилијантна – рекла Маја Беровиќ за српски „Телеграф“.
