Меѓу загинатите во терористичкиот напад во Москва е и позната руска манекенка и добитничката на титулата „Мис Твер 2001“ Екатерина Новоселова (42), извести за РИА Новости екс-директорката на агнцијата за модели Шарм, Олга Даргевич, која го организирала овој натпревар во 2001 година.
Претходно, руското Министерство за вонредни ситуации објави прелиминарен список на загинатите во салата Крокус заклучно со 17.00 часот, на списокот имало 13 имиња, меѓу кои и Екатерина Новоселова.
Според неа, информации за ова првично се појавиле во медиумите. „И пишав на мајката на Катја, реков, или новинарите пишуваат нешто погрешно, или е некоја грешка, дали се е во ред со Катја? Таа ми напиша само два збора дека Катја умрела“, рече соговорниката.
Како што објаснила Даргевич, Екатерина претходно живеела во Твер, била водителка на емисии а учествувала и на различни натпревари за убавина, не само во регионот туку и во други земји. Убавицата завршила универзитет, по што работела во банка, а потоа се преселила во Москва.
„Таа има две прекрасни деца – момче и девојче. Многу паметна, многу љубезна девојка…Таа беше најљубезната личност. Шокирани сме, сè уште не можеме да веруваме дека се случи таква трагедија“ – рече Даргевич.
