Израелските научници откриле значителни разлики во ризикот од развој на потешки симптоми на инфекција со коронавирус кога ги споредувале пациентите кои имале доволно ниво на витамин Д во моментот на инфекцијата со оние кои немале.
Студијата објавена во списанието PLOS One покажа дека околу половина од луѓето на кои им недостасува витамин Д пред да добијат Ковид-19 развиле тешка клиничка слика во споредба со помалку од 10 проценти од оние кои имале доволно ниво на тој витамин во крвта.
Знаеме дека витаминот Д е од големо значење за здравјето на коските, но неговата улога во заштитата од тешката форма на Ковид-19 е помалку позната. Ова истражување е прво што ја испитува оваа врска.
Авторите на студијата рекоа дека е „неверојатно и зачудувачки“ да се види разлика во ризикот од потешки болести кај луѓето кои имаат недостаток на витамин Д во споредба со оние кои имаат доволно ниво на тој витамин во крвта.
Авторите истакнаа дека резултатите покажуваат дека витаминот Д помага да се зајакне имунолошкиот систем за да се справи со вирусите кои го напаѓаат респираторниот систем. Ова важи и за Омикрон, но и за претходните варијанти.
Истражувањата не докажуваат дека витаминот Д заштитува од Ковид-19 и не значи дека треба да се избегнуваат вакцини, но секако добро доаѓа за дополнително зајакнување на организмот.
Витаминот Д во телото се синтетизира со директно изложување на кожата на сончева светлина. Го има и во храната како што се мрсна риба, жолчки од јајце и печурки, како и во додатоците во исхраната, пишува N1.
