Поранешниот свршеник на српската водителка Јована Јеремиќ, Драган Станковиќ, ја сподели радосната вест со своите следбеници на социјалните мрежи, неговиот постар син Милош станал татко, се породила неговата снаа Марија. Тие станале родители на момче, на кое му го дале името Марко.
Новородениот внук веднаш ги освоил срцата на целото семејство, а гордиот дедо Драган не го криел своето воодушевување.
„Добредојде Марко“, имал напишано Драган на маицата што ја носел сосе фотографија од новороденчето.
Славењето по повод раѓањето на внукот било обележано со пригодна гала прослава, каде што атмосферата била дополнително збогатена со песните што ги извеле познатите пејачки Јована Типсин и Ана Јовановиќ, подигнувајќи го расположението до максимум.
Во објавата на социјалните мрежи, Драган нагласил колку му значи овој момент, додека сите присутни го прославија доаѓањето на нов член во семејството со песни, смеа и многу емоции. Семејството им се заблагодарило и на пријателите кои дошле да ја споделат нивната среќа.
