Александра Пријовиќ на крајот на минатиот месец одржа дури три последователни концерти во белградска арена, а нејзиното поранешно момче, фолк пејачот Љуба Перучица откри што мисли за тоа.
– Не бев таму, но мојата сопруга имаше голема желба да оди. Но, ниту таа не отиде, бидејќи веќе е во поодмината бременост, бидејќи има денови кога се чувствува одлично, а потоа има денови кога попрво би си легнала. На денот кога сакаше да оди на концерт, за жал не се чувствувала добро, па го пропуштила концертот – открил Перучица, а потоа признал зошто самиот не отишол на концертот на поранешната девојка, но и како гледа на успехот на Прија, пренесува српски Курир.
-Работев тие денови, па не можев да одам, но многу ми е драго. Воопшто не се сомневав дека ќе успее. Одамна разговаравме за тоа, таа секогаш ја имаше оваа желба за Арена и не се сомневав дека ќе биде така. Многу сум среќен и честитам што и се исполни желбата и мислам дека ќе постигне големи успеси – ѝ честиташе Љуба на бившата за фантастичниот успех и откри дали се слушнал со моментално најбараната пејачка.
– Не ѝ пратив порака. Не се слушаме, но кога и да се видиме убаво ќе се изнамуабетиме. Така е и до ден денес, никогаш тоа не се промени и навистина ми е драго што успеа – истакна Љуба.
Љуба изјави дека не му пречи што се нашол во центарот на вниманието поради емотивната врска што ја имаше со Александар пред многу години.
– Неодамна некој ме праша на таа тема. Навистина помина многу време, речиси десет години. Таа девојка има свое семејство и свое дете. Еве, имам и јас свое семејство и наскоро ќе имам дете. Уморен сум од уште приказни на таа тема, но знам дека луѓето се заинтересирани да слушнат што би имал да кажам за нејзиниот успех и немам проблем да коментирам – заклучи Љуба, кој со сопругата Катарина одбројува денови до моментот кога ќе станат среќни родители.
