Германскиот неделник Шпигел направи споредба – секако без преседан – меѓу американската суперѕвезда со австриско потекло (и поранешен гувернер на Калифорнија) Арнолд Шварценегер и големиот германски писател Томас Ман, добитник на Нобеловата награда за литература во 1929 година.
Конкретно, според авторитетниот неделник од Хамбург, за да се обединат две навидум толку далечни личности тука е видеото од речиси десет минути – објавено на Твитер, титлувано на кирилица, видено од милиони луѓе – во кое се обрати глумецот на „Терминатор“ до рускиот народ, а од Владимир Путин побара прекин на ужасниот конфликт во Украина.
Шпигел зборува за „уметноста на реториката“, чија целна публика се Русите, во обид да „одговори на тешкото прашање: како може да се зборува од голема далечина на заблуден народ? Народ кој се сака, кој во моментов прави криминал. Како може Русите да бидат одземени од Путин? “.
Така, според германскиот угледен неделник, способноста на Шварценегер се состои во тоа да може да ги спои своите сеќавања, неговата историја (пријателството со советскиот шампион во кревање тегови Јуриј Петровиќ Власов), неговата „љубов“ кон Русија, со демистификацијата на рускиот наратив за војната во Украина: почнувајќи од наводната „деназификација“ на земјата, уште поапсурдно ако се земе предвид фактот дека тројцата браќа на таткото на Володимир Зеленски биле истребени во Холокаустот на Третиот Рајх.
Таткото на Шварценегер пак, се вратил од Втората светска војна како ветеран на нацистичката армија, токму од рускиот фронт, скршен на два дела, уништен од шрапнели од експлозив и измачен во душата, со товар да се обиде да се помири со сопствената вина до крајот на животот. И тој бил „заслепен“ од пропагандата на неговата влада, онаа на Хитлер, која ја анектира Австрија во 1938 година.
Шпигел пишува дека „постои модел за видео пораката на Шварценегер: тоа се говорите што Томас Ман им ги упатил на Германците во периодот од октомври 1940 до мај 1945 година, а кои биле емитувани од германската програма на Би-би-си“.
„Ман се соочи со слично прашање: како може да се зборува со заслепен народ? Како може таквиот народ да го исклучиме од неговиот водач?“.
Според неделникот, реторичкиот клуч на големиот писател бил да разјасни „дека вистинската Германија е онаа во егзил и дека Германија на која се повикуваа нацистите е лага“.
Актерот (и политичар) се обрати на сличен начин во својот видео запис: вистинската Русија, вистинските херои, се луѓето кои денес во Русија се свртени против војната и кои поради оваа причина се тепани и апсени. Тие се „вистинските херои“.
Потоа, потсетува неделникот, Шварценегер им се обраќа на самите руски војници: „Знаете дека ја кажувам вистината, ја видовте со свои очи“. Тоа го правеше и Томас Ман кога зборуваше со Германците додека крв течеше низ реките во светот, кога концентрационите логори убиваа милиони луѓе или кога Германија беше веќе во урнатини: „Онаму каде што демократијата се спротивставува на автократијата – пишува Шпигел – најсилното оружје е тоа да се апелира до способноста за расудување на еден поединец“.
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
