Популарната бугарска поп-ѕвезда Дара, која годинава ја воодушеви Европа со победата на Евровизија, за првпат во јавноста сподели фотографии од својот татко Николај Јотов, успешен бизнисмен од Варна, и отворено проговори за семејните трауми кои долго ја прогонувале. Иако нејзиниот татко во младоста важел за исклучително згоден маж, тој одиграл клучна улога во нејзината кариера со тоа што категорично ѝ забранил да тренира бокс.
Иако како дете била борбена и сонувала за рингот, татко ѝ ја насочил кон часовите по танц, одлука која години подоцна се покажала како пресудна за нејзиниот огромен сценски успех.
Сепак, приватниот живот на пејачката не бил секогаш едноставен. Нејзините родители се развеле уште додека била дете, па таа останала да живее со мајка си Катја и братот Јордан. Фактот што нејзиниот татко зад себе има дури два разводи придонел Дара да порасне со силен одбранбен механизам, поради кој со години категорично одбивала да верува во брак и во „љубов од бајките“.
И покрај разделбата, нејзините родители успеале да задржат одлични односи, а мајка ѝ Катја, која е професионална шивачка, и денес е нејзиниот најголем моден ментор и ги креира сите нејзини екстравагантни сценски костими.
Иако детството на разведени родители кај неа оставило длабоки емотивни лузни, пејачката успеала да ја надмине оваа траума гледајќи ги среќните бракови на родителите на нејзините пријатели. На крајот, судбината се погрижила Дара целосно да го излечи своето срце кога го запознала својот сегашен сопруг, д-р Ервин Иванов. Како што самата признава, штом го видела, веднаш им соопштила на сите дека го пронашла мажот на својот живот, успевајќи да изгради хармонично семејство за какво што некогаш само сонувала.
