Виолинистката, пејачка и професорка Андријана Јаневска сподели важен семеен момент на социјалните мрежи.
Таа му ја честиташе полуматурата на нејзиниот син, Димитар Гиновски.
Андријана овјави симпатичен портрет од синот, со креативен и духовит опис од неговите соученици во училишниот алманах.
Другарите на Димитар во алманахот откриваат дел од неговите интереси и карактер. Меѓудругото, велат дека Димитар сака да свири пијано и одлично се снаоѓа со географијата, а како негова идна амбиција е наведено дека по 10 години се гледа себеси како музичар.
Гордата мајка не ја криеше својата среќа, посветувајќи му ја честитката: „Среќна полуматура, среќо моја“.
Пред четири месеци за „Слободен печат“, Јаневска изјави дека имала бремености без компликации, но породувањата со првото и со второто дете биле сосема различни.
„И со двете деца се породив во Чаир. Имав лесни бремености, разликата беше што со едниот се породив во лето, со другиот во зима и има огромна разлика кога носиш бебе на +40 степени и се пораѓав кога надвор е пекол. Со Димитар беше малку потешко и подолго траеше, неколку часа, а со Кристијан се породив за еден саат. Добив болки во текот на ноќта, многу ме болеше, така што Гино мораше да вози многу брзо, бидејќи имав чувство дека ќе се породам во кола“, се присети Андријана во „Мамавизија“.
Таа и сопругот, музичарот Димитар Гиновски-Гино имаат уште еден син, Кристијан.
