– Суша и Африканска топлина и оваа седмица ќе владеат во Македонија. Односно територијата на Македонија ќе се наоѓа под влијание на стабилна, сува и МНОГУ ТОПЛА воздушна маса од Африка. Времето ќе биде сончево со мала до умерена локална облачност. Денес и тоа особено Долж Повардарието сеуште ќе дува умерен до засилен ветер од северен павец. Температурите ќе бележат тенденција на понатамошен пораст, и во следниот период повторно насекаде ќе надминуваат 30 степени, додека во најтоплите централни и југоисточни предели истите ќе се искачат до околу 40 степени. Ув – индекот и понатаму ќе има МНОГУ ВИСОКА вредност и ќе изнесува коефициент 9, па затоа на граѓаните повторно им советуваме да се заштитуваат од лошото влијание на сонцето, но и да пијат што повеќе течности.
Во Скопскиот регион времето ќе биде слично. Стабилно, сончево и МНОГУ ТОПЛО. Температурите ќе се искачуваат во интервалот помеѓу 33 и 37 степени, вели метеопрогнозерот Славчо Попоски.
