– Продолжуваат пеколните горештини во Македонија, и тоа поради влијанието на ПЕКОЛНИОТ БРАН од Африка. Времето во следните денови ќе биде сончево со мала до умерена локална облачност. Сепак за време на овој викенд во попладневните и во вечерните часови ќе има услови за локална нестабилност, проследена со пороен дожд, грмежи, засилен ветер и услови за локална појава на КРАТКОТРАЈНО НЕВРЕМЕ.
Во Скопје и околината времето ќе биде сончево и МНОГУ ТОПЛО со мала до умерена локална облачност. За време на овој викенд во попладневните часови ќе има услови за ретка појава на нестабилност. Температурите ќе се искачуваат во интервалот од 32 до 39 степени, додека мал пад на истите ќе има утре, како и во почетокот на следната седмица, но сепак и понатаму ќе биде МНОГУ ТОПЛО – вели метеопрогнозерот Славчо Попоски.
