– Натпросечно топлото време во Македонија продолжува и во следните денови, но утрата и понатаму ќе бидат посвежи со минимални температури кој ќе се спуштаат во интервалот од 10 до 17 степени, а во Малешевија тие повремено ќе се спуштаат и под 10 степени. Максималните дневни температури на воздухот пак ќе се искачуваат во интервалот од 27 до 33 степени.
Од четврток пак локално ќе има повеќе облачност, а во петок и за време на викендот во попладневните часови локално ќе биде нестабилно со пороен дожд, грмежи и засилен ветер во зоната на нестабилност.
Во Скопје и околината од четврток повремено облачноста ќе се зголемува, а во петок и за време на викендот во делови од котлината ќе има услови за појава на нестабилност, проследена со пороен дожд, грмежи и засилен ветер. Наутро температурата ќе се спушта во интервалот помеѓу 12 и 16 степени, а максималната дневна температура на воздухот и понатаму ќе биде натпросечно висока и ќе се искачува во интервалот помеѓу 31 и 32 степени.
Вистинското септемвриско лето преку ден продолжува и понатаму во Македонија, но и во регионот – вели метеопрогнозерот Попоски.
За нови, детални и по потреба обновени метео информации, следете го официјалниот фејсбук профил на Славчо Попоски тука!
