Полусестрата на Меган Маркл, Саманта, се појави во случај за клевета против војвотката од Сасекс, каде изјави дека сопругата на принцот Хари го клеветела нејзиното име, објави Њујорк Пост.
Саманта Маркл ја тужи Меган пред федералниот суд во Флорида за „јасно лажни и злонамерни изјави“ дадени за неа за време на интервјуто со Војводите од Сасекс реализирано од Опра Винфри во март 2021 година.
View this post on Instagram
Саманта тврди дека Меган „води кампања за оцрнување и уништување на угледот и авторитетот на нејзината сестра и нејзиниот татко, со цел да се зачува и промовира лажниот наратив што Меган го измисли за нејзиниот живот за кралското семејство и светските медиуми“.
Адвокатот на Саманта, Питер Тиктин, пред судот изјави дека Меган кажува лажни информации за нејзиното детство и решила да го уништи животот на нејзината полусестра и татко ѝ Томас.
„Зошто сè уште ја омаловажува својата сестра? Зошто сè уште го омаловажува својот татко? Зошто инаку го отфрла своето семејство, кое цел живот правело само добри работи за неа? Таа никогаш немала проблем со нив“, рече Тиктин.
Адвокатот на Меган Маркл, Мајкл Камп, изјави дека Саманта нема основа да поднесе тужба за клевета. Тој рече дека изјавите на Саманта и нејзиниот адвокат се „еклатантно навредливи за неговиот клиент“ и побара случајот да биде отфрлен.
