Музичката ѕвезда Вики Миљковиќ ја опиша 2025 година како период исполнет со силни емоции, големи загуби, но и со моменти на вистинска радост. Иако зад себе остави тешки лични удари, таа вели дека секогаш се труди да гледа на животот од посветлата страна.
Минатата година за Вики била особено болна поради смртта на нејзиниот брат Владо, со кого била исклучително блиска. Претходно ги изгубила и родителите, а во текот на истата година се збогувала и со двајца големи пријатели – Саша Поповиќ и Халид Бешлиќ. Таа признава дека тие загуби оставиле длабока празнина и дека таквата болка никогаш целосно не се преболува.
И покрај сè, 2025 ѝ донесе и радосен повод – полнолетството на синот Андреј. Прославата, која Вики и сопругот Драган Таškовиќ – Ташке ја организираа на 6 октомври, собра околу 350 гости и долго беше тема на разговор. Сепак, за пејачката најважно не била раскошната забава, туку промената што ја забележала кај својот син.
Таа вели дека со наполнети 18 години, Андреј видливо созреал, полека излегол од тинејџерскиот период и почнал посериозно да ги сфаќа обврските и одговорностите. Според неа, токму тоа било она што најмногу го посакувала – да види како нејзиното дете станува зрел и одговорен млад човек.
Вики нагласува дека нивното семејство отсекогаш сакало да слави важни датуми и празници, но дека полнолетството на Андреј за неа има посебно значење. Тоа не го мери по бројот на гости, туку по денот кога, како што вели, нејзиниот син направил чекор кон светот на возрасните.
На професионален план, таа продолжи успешно да работи и надвор од Србија, особено во Истанбул, каде што со години гради стабилен бизнис. По сите загуби и радости, Вики Миљковиќ се надева дека 2026 година ќе донесе повеќе мир, убави моменти и позитивна енергија – за неа и за нејзиното семејство.
