Џон Ландау, филмски продуцент награден со Оскар, кој соработуваше со Џејмс Камерон на неколку проекти, вклучително и на „Титаник“ и двата филма „Аватар“, почина по битка со ракот, објави извор близок до семејството.
‘Titanic,’ ‘Avatar’ Producer Jon Landau Dead at 63
https://t.co/OhV9F3VWmz— Collider (@Collider) July 6, 2024
Ландау е роден на 30 јули 1960 година во Њујорк, во семејството на Ели и Еди Ландау, двајцата продуценти. Тој учел на престижната Школа за филмски уметности и за жал, ја загуби битката со тешката болест на 64-годишна возраст.
Како дел од тимот кој сними три од најпрофитабилните филмови на сите времиња, Ландау имаше големо искуство во креирање на успешен филм. Во интервју за The Talk во 2022 година, тој објасни како го мери успехот во однос на тоа како филмот емотивно го допира – „За мене лично, уживам да одам во кино, така што успехот на филмот зависи од тоа дали ми го дава тоа вид на бегство – или не, сакам да размислувам за „Аватар“, не сакам да размислувам за сметките што треба да се платат, за сите тие работи и обврски“, рече тој и додаде: „Дали го напуштам киното чувствувајќи нешто емотивно, така гледам на филм што го сметам за успешен“.
Во истото интервју, тој рече дека успехот на „Титаник“ ја подгреа неговата улога како продуцент – „Би рекол дека не ме смени, но ме мотивираше да се стремам кон уште поголеми филмски височини“.
Френсис Фишер, ѕвездата на филмот „Титаник“, е меѓу првите кои се простија од Ландау на социјалните мрежи. Таа најпрво одговори на видеото што го сподели во 2023 година со зборовите: „Морав да дојдам на твојата страница за да го слушнам твојот глас. Летај со ангелите драг Џон“, а потоа на Твитер напиша: „Почивај во мир Џон“.
We need the sequel @jonlandau, the masses need more Alita. https://t.co/LtWu2QdFZu pic.twitter.com/Sxhht9s65i
— Will Landman 🍥 (@WillTheLandMan) July 6, 2024
