Македонскиот пејач Маријан Стојаноски соопшти тажна вест дека починал неговиот син Петар, кој имал неполни пет години.
Стојаноски ја сподели веста на својот профил на Фејсбук, каде што се прости од својот син со кратка и емотивна порака.
„Бог ми го даде и ми го зеде мојот син Петар“, напиша пејачот.
Петар е роден во декември 2021 година. Стојаноски засега не соопшти повеќе детали, ниту ја откри причината за смртта на момчето.
По објавата, голем број пријатели, познаници и следбеници му упатија пораки со сочувство и поддршка на семејството во овие тешки моменти.
Маријан Стојаноски и неговата сопруга Наташа, покрај Петар, имаат и две ќерки.
