Лиза Лоринг, актерката која ја играше Вендсдеј Адамс во првата адаптација на „Семејството Адамс“, почина на 64-годишна возраст по мозочен удар.
View this post on Instagram
Лоринг почина во саботата вечерта во болница опкружена со семејството, изјави нејзината ќерка за „Варајати“.
– Мирно си замина додека двете ќерки ја држеа за раце.
Личната пријателка на Лиза, авторката Лори Џејкобсон, ѝ оддаде почит на Лоринг и нејзиното „наследство во светот на забавата“.
– Таа е вградена во таписеријата на поп-култура и во нашите срца засекогаш како Вендсдеј Адамс – напиша таа.
Лиза Лоринг ја играше Вендсдеј Адамс од 1964 до 1966 година во првата адаптација на „Семејството Адамс“, создадена од Чарлс Адамс од Њујорк, преземајќи ја улогата кога имала само пет години.
Нејзината изведба одекна, во голема мера влијаејќи на последователниот развој на ликот.
Неодамнешната адаптација на Нетфликс на „Семејството Адамс“, со Џена Ортега во главната улога, предизвика вирален танц инспириран од потезите на Лиза од оригиналната серија. Ортега ѝ се заблагодари на Лоринг кога танцот стана популарен на социјалните мрежи, пишува Гардијан.
