„Стојам овде понизно прифаќајќи ја вашата добрина“, рече канадскиот актер Мајкл Џеј Фокс на сцената, каде што имаше голем број ѕвезди, меѓу кои Том Хенкс и Џенифер Лоренс.
Актерот, кој ја воодушеви публиката во ТВ комедијата „Семејни врски“ од 1980-тите, како и во филмовите „Враќање во иднината“, доби почесен Оскар за неговата работа во собирањето 1,5 милијарди долари за истражување на Паркинсоновата болест.
Канадскиот актер, кој сега има 61 година, ја доби хуманитарната награда Џин Хершолт од бордот на директори на Академијата за филмски уметности и науки, која ги доделува Оскарите, а го најави неговиот пријател Вуди Харелсон.
На Фокс му била дијагностицирана Паркинсонова болест, нарушување на нервниот систем што предизвикува тремор и други симптоми, кога имал 29 години. Подоцна се повлече од актерството и ја основа Фондацијата Мајкл Џеј Фокс за истражување на Паркинсон во 2000 година за да помогне во финансирањето на потрагата по лек.
„Страшната дијагноза ја претвори во храбра мисија“, изјави актерот.
