Водителката Сања Савеска се огласи во врска со незгодата што ја доживеа Северина на нејзиниот концерт во Загреб, во полната Арена.
Северина падна на сцената трчајќи по неа на високи потпетици, а потоа стана и продолжи да пее на колена насмеана. Водителката на емисијата „Брза кујна“, по овој повод рече:
-Не е важно колку пати ќе паднеш, важно е да станеш како кралица!
Можеше да биде прилично грд пад, но за среќа сè помина без проблеми кога Северина се сопна и падна за време на концертot во распродадената Aрена додека ја изведуваше песната „Твојата прва девојка“.
Таа е позната по своите енергични настапи во кои многу танцува и скока, на вртоглаво високи потпетици, а ова не беше првиот пад на сцената за познатата пејачка, но од оние снимени на видео, изгледаше најдраматично“, објави „Јутарњи лист“.
Во еден момент за време на концертот насловен како „Јас само пеам“, Северина отиде на другата страна од сцената, се сопна и падна со главата напред. Гитаристите на бендот ѝ притрчаа на помош, но немаше потреба за тоа, бидејќи пејачката сама стана и продолжи да ја изведува песната со смеа, поддржана од публиката.
