Пејачот Петар Младеновски, за јавноста познат како Пеце од „Суперхикс“ е еден од ретките мажи од македонската естрада којшто гласно зборува за менталното здравје кај мажите. Според Младеновски генерално мажите повеќе би зборувале за политика или спорт отколку за теми поврзани со внатрешниот мир на човекот. Сега, пак, како што вели тој во интервју за „Слободен печат“, за време на Светското, мажите зборуваат само за спорт.
Мажите не ги разбираат жените, категоричен е Младеновски, кој вели дека оние мажи што го мислат тоа живеат во заблуда.
„Знаете кога жената е во циклус и се однесува по малку чудно, па кога мажот ќе ѝ рече „знам, те разбирам“. Ништо не разбираш ти, пријателе“, низ смеа вели Пеце.
Интересно е што тој открива една „машка тајна“. Кој би рекол дека и мажите меѓусебно се лажат за килограмите?
„Знаете кај жените кога ќе си кажат нешто околу килограмите тоа често може да биде и од завист и љубомора. Кај мажите тоа е повеќе за зезање, ќе му речеш „еј си ослабел“, а тој се поправил и слично.“ Сè тоа за да го пецнеш, вели Пеце.
Според него мажите не се осмелуваат да зборуваат јавно за менталното здравје и најчесто проблемите ги споделуваат со еден пријател.
„Посилниот пол не се така отворени да разговаРат за чувствата, и најчесто плачат сокриени во ќош. Има едно непишано правило кое важи посебно за балканскиот маж ,,напиј се една и ќе ти помине“, вели тој.
Овде можете да го погледнете целото интревју за менталното здравје кај мажите, направено со повеќе познати личности.
