Поп-пејачката Јелена Томашевиќ пред неколку месеци преживеа вистинска драма за време на својот концерт во Бар, кога поради ненадеен здравствен проблем се „сруши“ директно на сцената. По тој непријатен настан, концертот веднаш беше прекинат, а на пејачката први ѝ помогнаа докторките кои беа во публиката, како и екипата на Итната помош. Јелена сега отворено прозборе за точната дијагноза и откри дека зад сè стоела вирусно инфекција што предизвикала сериозни вртоглавици.
Имено, поради вирусот дошло до воспаление на средното уво, што ги поместило кристалите во внатрешното уво и предизвикало силен вертиго ефект:
„Да знаев што ќе се случи, на време ќе го откажев концертот. Имав вирус, но мислев дека вртоглавиците поминаа. Потоа лекарката со еден специфичен маневар ми помогна по што вртоглавиците конечно престанаа и ми беше наредено строго мирување“.
По третманот и задолжителниот одмор во семејниот дом во Белград, пејачката успешно закрепна и им се врати на своите секојдневни обврски и настапи.
