Пејачката Дара Бубамара официјално стана постојан член на жирито на српската музичка шоу-програма „Ѕвездите на Гранд“ , а како што пишуваат медиумите, договорот што го потпишала ќе ѝ обезбеди вистинско богатство.
Пред да ги стави иницијалите на својата лојалност кон „Гранд“, Дара била во слатки маки. На нејзина адреса, се нашла и примамлива понуда од телевизијата „Пинк“ да се приклучи на проектот „Ѕвездите на Пинк“. Сепак, по долго размислување, фолк пејачката се одлучила за „Ѕвездите на Гранд“.
Преговорите меѓу Дара и раководителот на продукцијата траеле со месеци, првенствено поради нејзиниот презафатен распоред. Меѓутоа, кога конечната бројка била ставена на маса – сите дилеми исчезнале.
Дара Бубамара потпишала тригодишен договор во вкупна вредност од 300.000 евра, а по сезона ќе заработува 100.000 евра. Бидејќи се планирани 40 емисии по сезона, пејачката за секоја епизода ќе инкасира дури 2.500 евра.
„Дара имаше многу дилеми. Сите знаеме колку работи и настапува, а тоа носи голема одговорност и обврска. Сепак, кога бројката од 300.000 евра беше ставена на маса, сè падна во вода. На крајот се договорија и Дара неодамна потпиша договор со директорот на продукцијата, Горан Шљивиќ“, открива добро информиран извор, а пренесува „Блиц“.
Иако Дара Бубама се загрижила како ќе ги избалансира напорновите снимања кои траат со часови со своите редовни настапи низ дијаспората и приватните обврски, огромниот финансиски аспект на крајот преовладал.
