Познатата водителка изненади многумина со својата изјава за кралското семејство.
Опра Винфри ја окарактеризира неодамнешната смрт на британската кралица Елизабета Втора како можност семејството да се смири.
Многумина ја сфатија нејзината изјава како алудирање на врската на Меган Маркл и принцот Хари со кралското семејство.
„Мислам дека ситуацијата е слична во многу семејства. Знаете, татко ми почина неодамна и кога сите се собравме на неговиот погреб, тоа на некои им даде прилика да се смират, шанса каква што долго немале“, напиша Винфри на Твитер.
Oprah had no idea what was going to unfold! https://t.co/KKG6RofiJV
— Peter Ford (@mrpford) September 13, 2022
Опра минатата година направи ексклузивно интервју со Меган и Хари, кога тие искажаа шокантни тврдења за нивните односи со семејството.
Корисниците на социјалните мрежи ова не ѝ го заборавија, па бурно реагираа на нејзината објава.
„Зарем Опра заборави дека сето ова таа го почна? Можеби едно извинување би било посоодветно“, „После твоето интервју гневот меѓу браќата само се зголеми“, „Зарем навистина имаш образ сега да даваш коментари, кога ѝ даде простор на Меган да плука по кралицата“…- се само некои од негативните коментари на Твитер.
