Во српските медиуми се пишуваше дека Цеца Ражнатовиќ не е љубител на кујната и дека скоро и не влегува во неа.
Пејачката одговори на овие приказни и призна дека не сака да готви, но не и дека не може да подготви оброк.
Цеца обожава пита, особено за време на постот. Познато е дека Ражнатовиќ е голем верник, а за време на празниците, питата е задолжителна во нејзиното мени.
Во продолжение погледнете го рецептот за нејзиниот специјалитет.
500 г кора за пита
500 г шампињони
2 мали празови
1 дл масло
1 чаша кисела вода
1 прашок за пециво
мешавина од зачини, бибер, сол
Ситно исечкајте го празот и пржете го во масло додека не омекне. Додадете ги исечканите печурки и продолжете да пржите додека течноста не испари. Зачинете со сол, бибер и додадете ја мешавината од зачини по вкус. Поделете ги корите на три дела. Првите две премачкајте ги со мешавина од масло и кисела вода, а во третата додадете го подготвениот фил. Замотајте ја питата и наредете ја на плех обложен со хартија за печење. Печете во претходно загреана рерна на 180°C додека кората не добие златно-кафеава боја.
Оваа пита е совршен избор за сите што постат, но и за оние кои сакаат лесни и здрави оброци. Освен што е вкусна и заситува, можете да ја послужите топла или ладна, со освежителен доматен сок, како што прави Цеца.
