Водителот Огњен Амиџиќ неодамна целосно го реновираше станот во кој живее со сопругата Мина Амиџиќ и нивните деца. Според српските медиуми, за уредувањето издвоиле околу 100.000 евра, а резултатот е модерен, светол и внимателно осмислен простор.
Мина на социјалните мрежи сподели детали од домот, откривајќи дека доминираат светли тонови, пастелни нијанси и природни материјали како стакло и дрво. Посебно внимание привлече гардероберот – изработен во комбинација од стаклени површини и дрвени елементи, со прегледна организација и топло осветлување. Многумина го опишаа како „сон на секоја жена“.
Еден од поинтересните детали е што купатилото е директно поврзано со спалната соба. Просторот е одвоен со стаклени врати, а семејството се одлучило за када наместо туш-кабина. Целиот амбиент е во топли, неутрални тонови што создаваат впечаток на хотелски луксуз.
И трпезаријата и дневната соба се во ист стил – преовладуваат светли бои и минимализам, а во центарот на дневниот престој е голема беж гарнитура.
Во меѓувреме, Амиџиќ неодамна се огласи и по шпекулациите за неговата здравствена состојба. Тој објасни дека поради трема и возбудата околу раѓањето на ќерката неколку ноќи не спиел, па добил стомачни проблеми, поради што кумот ја однел Мина и бебето од породилиштето.
Реновираниот дом, судејќи по фотографиите, е внимателно дизајниран простор во кој семејството ужива во приватност и комфор.
