Јелена Карлеуша и Душко Тошиќ ги собраа сите естрадни ѕвезди во елитен белградски хотел за родендените на ќерките Атина и Ника, каде што покрај забавата, главна тема беа астрономските суми потрошени за стајлинзи.
Славеничката Атина блесна во златен фустан од 2.380 евра, комбиниран со чанта „Chanel“ од 6.000 евра и златниот часовник на нејзината мајка „Cartier Panthère“ вреден 38.400 евра. Помладата Ника избра романтична розова боја на футан со кристали од 2.000 евра. Поносна мајка Јелена Карлеуша носеше уникатна проѕирна креација со кристали од скопско модно ателје со вредност од 30.000 евра, а моден шок направи комбинирајќи ја со чантичка од само 50 евра.
Од машкиот дел, Душко Тошиќ доминираше во класичен црн смокинг.
На подготвениот моден предизвик одговорија и естрадните колешки. Сека Алексиќ ја покажа новата линија во сив фустан од „Rick Owens“ за 700 евра, Гога Секулиќ ослабена 15 килограми блесна во „Dolce & Gabbana“, а Драгана Мирковиќ доби куп комплименти за елегантниот црно-бел комбинезон. Настанот го заокружија стилските изданија на Ана Бекута, Мира Шкориќ, Андреана Чекиќ, Милица Тодоровиќ и Индира Радиќ.
