Фолк-ѕвездата Драгана Мирковиќ отворено прозборе за некогашните несложувања и разминувања со поранешниот сопруг Тони Бијелиќ, откривајќи непознати детали за финансирањето на нејзината голема хуманитарна турнеја. Познатата пејачка истакна дека во тие моменти сите расположливи пари ги насочила кон донации за детските домови низ регионот, но дека од Тони немала никаква поддршка.
Мирковиќ објасни дека нејзиниот поранешен сопруг одбил да учествува во финансирањето на овие хуманитарни активности, сметајќи ги за нејзин личен избор:
„Моментално немам пари, сè отиде за хуманитарните концерти и тоа лесно се докажува. Кешот во тој период ми беше мисловна именка. Никој не ми помагаше, ниту Тони. Тој сметаше дека тоа е моја лична одлука да пеам хуманитарно. Мажите тука се малку поладни. Сепак, тоа ништо не промени — јас кажав дека така ќе биде и така беше“.
По разводот од бизнисменот по 24 години брак, животот на пејачката целосно се промени, а најголема поддршка во велелепниот дворец ѝ се нејзините деца, синот Марко и ќерката Мануела, кои одлучија да живеат заедно со неа.
