Според Лиза Стардаст, хороскопските знаци на кралската двојка покажуваат дека тие „се прифаќаат еден со друг какви што се“. Таа верува дека парот има многу хармоничен однос.
Астрологот и автор на бестселери Лиза Стардаст ја анализираше романсата на кралот Чарлс III и кралицата Камила низ годините и откри што имаат да кажат ѕвездите за нивната љубовна приказна и идниот развој на врската, пренесува Пипл.
Чарлс и Камила првпат се запознале во 1970 година, но тој планирал да се венча со принцезата Дијана, а таа со Ендру Паркер Боулс. И двата брака завршија со развод, делумно поради многу популарната романса на Камила и Чарлс во текот на 1980-тите.
Свршувачката ја објавија во февруари 2005 година, а се венчаа на 9 април 2005 година.
Познатиот астролог Лиза Стардаст ги анализираше наталните карти на кралот Чарлс и кралицата Камила за да го предвиди идниот развој на нивната врска. Кралот Чарлс, роден на 14 ноември 1948 година, е Шкорпија, а кралицата Камила, родена на 17 јули 1947 година, е Рак. Интересно е што и двајцата се водни знаци. Според астрологот, тоа значи дека „имаат исклучително интуитивни, чувствителни и креативни квалитети“.
Лиза верува дека со оглед на тоа што кралот Чарлс и кралицата Камила се водни знаци, тие природно имаат многу заедничко, вклучително и интереси за „уметност, комуникација и длабоко меѓусебно разбирање на лично ниво“. Она што е навистина интересно за нивните астролошки карти е врската помеѓу Нептун и Венера.
„Нептун е планетата што претставува безусловна и бескрајна грижа за другите, а Нептунот на Камила е избалансиран со Венерата на Чарлс, планетата на љубовта, во знакот Вага. Тоа значи дека тие се грижат еден за друг духовно, без никакво осудување. Тие се прифаќаат еден со друг какви што се.“, вели Лиза.
Таа забележува дека астролошките положби на ѕвездите на парот „сугерираат силна привлечност еден кон друг“. Карл е личност ориентирана кон градење стабилни релации и претпочита „непречено да ги решава конфликтите“. Во меѓувреме, Венера во Рак на кралицата Камила „и дозволува да создаде длабока и интимна врска со личноста што ја сака и да му остане верна“. Астрологот верува дека „положбата на планетите покажува дека тие секогаш ќе бидат привлечени еден од друг, што е она на што сме сведоци веќе многу години“.
Според Лиза, Чарлс и Камила „споделуваат силна врска која ги надминува зборовите и комуникацијата“, истакнувајќи дека „нивната врска од минатиот живот е означена со Северниот јазол на судбината во наталната карта на Камила, кој се поврзува со Месечината во Бик на кралот Чарлс. Нивната љубов е очигледна уште на прв поглед.”
Таа, исто така, истакна дека „тие споделуваат многу филозофски гледишта и сакаат да разговараат за нивните гледишта“. Нивните натални карти покажуваат дека во нивниот брак, Чарлс и Камила „волно се обидуваат да ги разберат гледиштата и да ги објаснат нивните верувања. Се расправаат, но сè претвораат во хумор, што е доказ за силата на врската”.
Кога станува збор за кариерите, кралот Чарлс и кралицата Камила се „обврзани да си помагаат еден на друг и да растат и да се развиваат заедно“. „Положбата на Сонцето и на Јупитер на Камила и Сонцето во Шкорпија на Чарлс покажува дека таа секогаш ќе го поддржува и поттикнува развојот на кралот“, забележа астрологот.
