Љубовната приказна меѓу покојниот пејач Џеј Рамадановски и неговата поранешна сопруга Нада со години ја брануваше јавноста. Иако нивниот брак не опстана, пејачот во бројни интервјуа со посебни емоции зборуваше за неа, истакнувајќи дека таа била неговата најголема љубов и мајка на нивните две ќерки, Марија и Ана.
Тој се присетуваше на нивното запознавање преку нејзиниот брат по враќањето од војска, опишувајќи го почетокот на нивната врска како искрена и посебна романса.
Џеј отворено признаваше дека можеби не бил идеален сопруг поради брзиот начин на живот, но нагласуваше дека по разводот станал уште подобар пријател со неа. Нивната љубов остана забележана и во неговата музичка кариера – Нада се појави во спотот за неговиот голем хит „Угасила си ме“, а во кој е со долга темна коса. Иако се разделија, таа остана клучна фигура во неговиот живот сè до неговите последни денови.
