Преку користење на старогрчкиот метод за пресметување, наречен златен размер (golden ratio), Џоди Комер е прогласена за најубава жена на светот. Земајќи предвид бројни фактори, колку лицето е поблиску до соодносот 1:1,618, толку личноста е посовршена.
Според размерот, очите, веѓите, носот, усните, брадата, вилицата и обликот на лицето на Комер се најблиску до идеалните мерки со резултат од 94,52 проценти.
Актерката од „Killing Eve“ се соочила со „сериозна“ конкуренција на убавици како Зендаја, Бела Хадид и Бијонсе кои исто така биле блиску до совршената оценка.
Списокот на убави жени според научната формула го креираше естетскиот хирург за лице д-р Џулијан Де Силва, кој раководи со Центарот за напредна козметичка и пластична хирургија на лицето користејќи техники за мапирање со помош на компјутер.
View this post on Instagram
„Џоди Комер беше очигледна победничка кога сите црти на лицето беа измерени за „физичко совршенство“, како што беше утврдено со познатиот сооднос. Таа имаше највисок вкупен резултат за позиционирањето на носот и усните… Џоди исто така постигна највисоки резултати за ширината и должината на носот и беше блиску до врвот за обликот на усните и положбата на очите. Нејзината брада е прекрасно обликувана и целокупната форма на нејзиното лице е навистина маркантна. Единствениот елемент за кој беше помалку оценета беа веѓите, за кои постигна просечен резултат од 88 проценти“, сподели докторот.
Втора на листата е Зендаја, Хадид падна на третото место, додека поп-ѕвездата Бијонсе заврши на четвртото место.
