Ѕвездата на реалното шоу, Клои Кардашијан откри дека неодамна и бил отстранет тумор од лицето, а претходно одвај забележала дека го има.
-Забележав мала грутка на моето лице и претпоставив дека се работи за нешто ситно, како мозолче, но откако сфатив дека тоа не исчезнува веќе седум месеци, решив да направам биопсија. Неколку дена подоцна ми рекоа дека морам да направам операција за отстранување на тумор од лицето, одговори Клои кога обожавателите ја прашаа зошто носи завој на лицето.
„Кога ќе ми дозволат да ги извадам, ќе ги видите лузната и вдлабнатината на мојот образ од отстранувањето на туморот, но дотогаш се надевам дека ќе уживате во тоа како правам овие завои за лице да изгледаат фантастично“, напиша таа.
Клои зборуваше за ова за да ги охрабри другите да одат на лекар доколку забележат нешто необично на нивното тело. Таа откри и дека има предиспозиции за рак на кожата.
-На 19 години имав меланом на грбот, а имав и операција, така што сум склона кон меланоми. Треба постојано да се прегледуваме. Јас сум од оние што носат крема за сончање секој ден, што значи дека никој не е исклучок од овие работи. Ве молам, сфатете го ова сериозно и одете на редовни прегледи – додаде Кардашијан.
