Една од најубавите и најзгодните пејачки на српската сцена, Наташа Беквалац, ја довела својата линија до совршенство со редовни тренинзи и строго контролирана исхрана. Пејачката во една прилика го открила својот план на исхрана, благодарение на кој успеала да ослабе дури 10 килограми.
Оваа диета е осмислена за да ги напаѓа мастите на најдобар можен начин, а воедно успешно да ја чува мускулната маса.
Како што се наведува, за еден месец со овој режим можете да изгубите минимум 10 килограми, а во некои случаи дури и повеќе. Но, сепак, пред да започнете со оваа диета, мора да се консултирате со лекар!
Што можете да јадете: Сите видови месо се дозволени во менито, со исклучок на мрсното свинско месо, иако чистото свинско месо е сосема во ред. Можете да консумирате млечни производи со што е можно помалку јаглехидрати, но се препорачува да не претерувате со фета-сирење, јогурт и сирење. Кога станува збор за зеленчук, дозволено е сè што е зелено: зелка, зелена салата, краставица, карфиол, брокула, кромид, домат, тиквички и спанаќ. Јајцата се дозволени приготвени на сите начини, а од грицки можете да јадете и по еден грст јаткасти плодови дневно. Хидратацијата е исклучително важна, па затоа се препорачува да пиете 2,5 литри вода во текот на денот.
Што е строго забрането: Во текот на овој режим, не смеете да јадете никакви печива, компири, соја, грав, боранија, тестенини, грашок, ориз, класични грицки, слатки и сокови. Најголемото изненадување за многумина е што овошјето е строго забрането да се консумира во кој било ден освен во недела.
Рестриктивната листа без јаглехидрати користете ја исклучиво во првите шест дена од неделата. Седмиот ден е „ден за одмор“ – тогаш за појадок и ручек можете да јадете тестенини, компири и ориз, или поточно сè освен она што е слатко. Во случај сè уште да чувствувате силна желба за десерт, посегнете по лажица мед или интегрални бисквити. По тој седмиот ден, целата диета започнува одново.
И додека со својот изглед мами воздишки, Наташа признава дека во моментов нема партнер, но дека и покрај тоа е емоционално исполнета.
„Сè уште нема никој што ќе ми го привлече вниманието и навистина не размислувам за тоа. Емотивно сум исполнета, но сум слободна жена“, рекла Наташа Бачкалац.
