Српската пејачка Александра Пријовиќ важи за една од најпопуларните и најбараните пејачки на регионалната естрада. Таа неодамна беше ангажирана од семејството Ѓоковиќ за да настапи на прославата за раѓањето на малиот Александар, синот на Ѓорѓе Ѓоковиќ и Сашка Веселинов, и пее по значајни настани на познати и богати личности.
Но не сите се „вљубени“ во пејачката.
Сега свое мислење за Александра даде и старлетата Тијана Ајфон. Старлетата која регионот ја запозна преку реалното шоу Парови, последниве години се занимава со креирање и продажба на гардероба и костими за капење, отвори и салон за убавина, а сега гостувајќи во една српска емисија без влакна на јазикот кажа што мисли за изгледот на Александра Пријовиќ.
– На мене фустан од 1.000 динари изгледа како да чини 1.000 евра, а на некој може да носи марка, но џабе кога на чело ти пишува „земјоделство“, како на Александра Пријовиќ. Што и да облече кутрата, тој лик „земјоделство“… значи, не вреди. Таа е толку добра девојка, толку слатко суштество, но тоа што ништо не ѝ стои, тоа е!“, рече Тијана.
