Македонскиот пејач Дарко Илиевски, кој веќе подолго време со своето семејство живее во Флорида, јавно ѝ го честиташе роденденот на сопругата Ивана со емотивна порака која ги разнежни нивните следбеници на социјалните мрежи.
Дарко објави романтична фотографија како ѝ ја бакнува раката на Ивана и уште некоколку семејни и напиша:
„Среќен роденден на најубавата жена во мојот живот. Ти благодарам за твојата љубов, поддршка, трпение и за тоа што секој ден го правиш подобар само со тоа што си дел од него. Благодарен сум за секој момент што го споделуваме заедно и за семејството и животот што ги градиме. Ти посакувам среќа, здравје, љубов и сѐ што те прави насмеана. Го заслужуваш целиот свет. Те сакам повеќе отколку што зборовите можат да објаснат. Среќен роденден, љубов моја.“
Објавата за кратко време собра бројни лајкови, честитки и коментари од пријатели и следбеници, кои им посакаа уште многу заеднички моменти исполнети со љубов и хармонија.
Иако веќе живеат во Флорида, Дарко и понатаму останува поврзан со македонската публика, а преку социјалните мрежи често споделува детали од приватниот и семејниот живот со Ивана и нивните две деца.
View this post on Instagram
