Лила Филиповска уште еднаш докажа дека знае како да ужива во животот и да ги полни батериите на најубавите дестинации. Овој пат, таа заедно со својата блиска пријателка замина на луксузен одмор во познатото турско одморалиште Бодрум.
Дека престојот таму им е исполнет со многу забава и адреналин, докажува и најновото видео кое Лила го сподели со своите бројни следбеници на социјалните мрежи.
На фотографиите, Лила и нејзината пријателка позираат во разладувачките базени во луксузен комплекс кој е препознатлив по тоа што го поседува еден од најголемите и најпрекрасните тематски и аква-паркови во овој дел од Европа.
Позади нив се издигаат шарените и бајковити кули на паркот, кои потсетуваат на сцени од омилените цртани филмови, а двете дами изгледаат прекрасно во елегантни црни едноделни костими за капење.
„Кога детето во тебе никогаш не расте, твоето срце останува чисто, полно со насмевки и соништа“, напиша лила.
Бодрум е познат како дестинација за светскиот џет-сет, а Лила, која секогаш важи за синоним за стил кај нас, совршено се вклопува во тој амбиент. Покрај релаксацијата на плажите и покрај базените, водителката покажа дека не пропушта прилика за добра забава.
