На првиот балкански конгрес за педијатриска кардиологија и кардиохирургија во Приштина, д-р Жан Митрев учествуваше како говорник на посебен панел посветен на третманот на вродени срцеви заболувања, каде што ги презентираше искуството, развојот и резултатите на Клиниката „Жан Митрев“ во областа на кардиоваскуларната хирургија.
Говорејќи за искуството на клиниката во третманот на вродени срцеви заболувања, тој посочи дека досега успешно се третирани околу 1.570 случаи, а клиниката реализира околу 1.000 операции и околу 800 васкуларни процедури годишно.
Во осврт на континуираниот развој на кардиоваскуларниот третман, д-р Митрев истакна дека од 2007 година клиниката значително напредувала во дијагностиката преку употреба на КТ-скен. Тој додаде дека медицински тим на Клиниката „Жан Митрев“ денес е високо специјализиран за дијагностицирање кардиоваскуларни заболувања и дека користи технологија за 3Д-реконструкција на срцето за покомплексни третмани.
На крајот на презентацијата, д-р Митрев сподели два посебни случаи на бебиња од Косово, кои биле успешно третирани од многу ретки срцеви заболувања, докажувајќи ја не само експертизата, туку и човечкото влијание на оваа професија.
Стручниот тим на Клиниката „Жан Митрев“ Ви стои на располагање. За информации и закажување термин јавете се на телефонот 02/ 3091484.
