Интересна приказна за легендарните актерки кои глумат во Македонските народни приказни е објавена на Фејсбук страницата за Ѓорѓи Колозов.
„Ви ги претставуваме дамите од „Македонските народни приказни“. Низ овој легендарен серијал продефилираа голем број извонредни актерки, кои со својата харизма и талент оставија неизбришлива трага во македонската телевизиска историја.
Иако е речиси невозможно сите да се соберат на една фотографија, на овој фото-колаж се претставени: Анче Џамбазова, Стојна Костовска, Билјана Беличанец, Изабела Новотни, Дубравка Киселички, Јоана Поповска, Светлана Кировска-Герасимовска, Шенка Колозова, Јасмина Поповска, Славица Зафировска, Снежана Киселичка и Весна Стојановска.
На фотографијата недостигаат уште многу познати имиња, меѓу кои: Мајда Тушар, Соња Каранџуловска, Симона Филиповска, Валентина Ефтимова, Снежана Коневска-Руси, Душица Стојановска, Тања Кочковска, Магдалена Ризова, Слободанка Чичевска, Слаѓана Нешиќ и многу други…
Овој колаж е мала почит кон жените кои беа важен дел од магијата наречена „Македонски народни приказни“, стои на страницата која ја одржува Горан Марковски.
