Популарната српска водителка Јована Јеремиќ јавно му ја честиташе новата голема победа на својот партнер, кик-боксерот Милош Стојановиќ – Тигар. Таа не ги криеше емоциите и гордоста поради неговиот голем успех во рингот, па веднаш се огласи на социјалните мрежи со длабока и емотивна порака.
Јована истакна дека неговиот триумф е резултат на огромна жртва, работа, дисциплина и одрекување, додавајќи дека е бескрајно благодарна што го запознала токму него.
„Мојот татко да беше жив, ќе ти беше благодарен што ме спаси“
Во својата објава, водителката откри колку партнерот и значи во животот, па во емотивниот говор ги спомена и нивните починати татковци.
View this post on Instagram
„Љубов моја, шампионе мој, не постојат зборови со кои би ја опишала вечерашнава среќа. Победата е само резултат на твојата жртва. Ти си тигар – неуништлив и нескршлив. Горда сум на тебе што си свој, што имаш свој идентитет и интегритет, што си дисциплиниран и што си мој шампион. Сигурна сум дека и твојот татко, но и мојот, ноќва беа горди и те гледаа од горе. Мојот татко, да беше жив, ќе ти беше благодарен што ме спаси“, напиша Јована.
Фотографии директно од рингот
Јована порача дека доколку не го сретнела него, ќе живеела во заблуда за тоа што всушност претставува „добриот машки род“ и ќе се соочувала со разочарувања како многу други жени. Таа му се заблагодари што ја сака на начинот на кој таа заслужува, нагласувајќи дека се чувствува како најсаканата и најгордата жена.
Покрај емотивниот текст, водителката сподели и неколку фотографии на кои позира во рингот веднаш до својот избранник по завршувањето на мечот, со победничкиот пехар во рацете.
