Младиот музичар Јаков Јозиновиќ го одржа својот втор последователен концерт во загребската Арена, која беше исполнета до последното место. Концертот го отвори со неговата прва авторска песна „Поле рози“ (Polje ruža).
Покрај преполнетата сала, вистинско воодушевување кај публиката предизвикаа и неговите специјални гости на сцената – Весна Писаровиќ и музичката дива Јосипа Лисац.
„Сега никој нема да може да го запре“
Овој голем триумф и феномен на неговиот успех на социјалните мрежи го коментираше и Мила Бадриќ, мајката на познатата пејачка Нина Бадриќ, која јавно ја пофали големината на Јосипа Лисац што му даде поддршка на младиот колега.
„Прекрасно… Една дива, која никогаш со никого не била на сцената, го почитува и цени Јаков, го препозна талентот на овој млад човек и му се придружи. Голема чест е за него, но и за неа. Ти благодарам Јосипа, ја покажа својата големина. Не можеш ни да замислиш што му значи ова на Јаков? Сега никој нема да може да го запре“, напиша Мила на Инстаграм.
Од вирална сензација до преполна Арена
Уште пред официјалното објавување на неговите песни, Јаков Јозиновиќ успеа да се наметне како вирална сензација на социјалните мрежи, каде испресеците од неговите настапи за кратко време собираа стотици илјади прегледи и споделувања.
„Ова е толку нестварно, што едноставно уживаш во секој момент, а кога ќе заврши, жалиш што е готово. Со своите 20 години, мислам дека некако доволно добро го поднесувам сето ова, колку што можам…“, изјави Јаков во едно свое неодамнешно интервју.
