Ворнер Брос моментално е во потрага по актерска екипа за филмот „Битлџус 2“ (Beetlejuice 2) кој се очекува да излезе на 6 септември 2024 година, а снимањето треба да почне овој месец.
Џена Ортега, ѕвездата на серијата на Нетфликс, ја предводи актерската екипа, со Мајкл Китон, кој го игра Битлџус и Винона Рајдер, која се враќа како Лидија Диц. Меѓу повратниците е и Кетрин О’Хара, а едно од новите лица е Џастин Теру.
Иако деталите се чуваат во тајност, познато е дека Моника Белучи ќе ја игра сопругата на Битлџус, а Ортега ќе ја игра ќерката на Лидија Диц, пренесува The Hollywood Reporter.
На филмот ќе работи продуцентската куќа на Бред Пит, План Б. Сценариото го напишаа Ал Гоф и Мајлс Милар, креаторите на серијата на Нетфликс.
Белучи моментално глуми заедно со Тони Колет во комедијата Mafia Mamma.
